ИСТАНБУЛ (АА) – Бројот на загинати Палестинци во смртоносните израелски напади врз Појасот Газа од 7 октомври се искачи на 26.751, соопшти Министерството за здравство во енклавата, пренесува Анадолу.
Министерството за здравство со седиште во Газа ја даде изјавата додека израелскиот напад врз Газа влегува во својот 116-ти ден.
Исто така, се вели дека 65.636 лица се повредени во израелските напади од 7 октомври.
Во соопштението се истакнува дека израелската Армија во изминатите 24 часа извршила 13 масакри низ Појасот Газа во кои загинале 114 лица, а 249 лица биле повредени.
„Многу луѓе сѐ уште се заробени под урнатините и на патиштата, а израелската Армија ги спречува спасувачите да стигнат до нив“, се додава во соопштението.
Израел го нападна Појасот Газа по прекуграничниот напад на палестинската група Хамас во октомври.
Околу 85 отсто од жителите на Газа се раселени поради израелскиот напад, додека сите имаат недостаток од храна, според ОН.
Извор: Anadolu Agency (AA)
