Утре во 11 часот ќе започне собраниската седница со единствена точка на дневен ред – избор на Влада на Република Северна Македонија, која ќе функционира до изборот на нова влада на парламентарните избори закажани за 8 мај.
Мандатарот Талат Џафери денеска до Собранието поднел целосно пополнет предлог-состав на преодната влада, вклучувајќи ги и кандидатите за министри од ВМРО-ДПМНЕ.
Промени нема освен во ресорите каде што се предвидени министри од опозицијата. За министри без ресор предложени се Бојан Маричиќ задолжен за европски прашања, Фатмир Битиќи за економски прашања и Славица Грковска за политики за добро владеење. Во програмата објавена на веб-страницата на Собранието, меѓу другото, пишува дека врвен приоритет на Владата е подготовка и организирање на слободни, фер и демократски редовни претседателски и парламентарни избори на 24 април и 8 мај.
Лидерот на ДУИ, Али Ахмети, пак, со видео обраќање порача оти утре е историски ден, бидејќи се гласа за прв премиер – Албанец иако ова прањање го актуелизраа уште во 2020, кога Насер Зибери беше промовиран за оваа функција.
Позицијата премиер Албанец во последните 100 дена е дел од договорот на владината коалиција меѓу двете партии на власт, СДСМ и ДУИ.
Владата која ќе биде изгласана утре ќе биде трета и веројатно последна од ваков карактер. Првата беше избрана во 2015 година под раководство на Емил Димитриев, а втората во 2020 година под раководство на Оливер Спасовски, но нејзиниот мандат беше продолжен поради околностите со пандемијата./Алсат.мк
Адриан Керими
Извор: alsat.mk
