ГАЗА (АА) – Најмалку 174 Палестинци се убиени, а 310 се ранети во израелските напади на Појасот Газа во последните 24 часа, соопшти денес Министертвото за здравство на палестинската енклава, пренесува Анадолу.
Во соопштението се наведува дека израелските сили извршиле 18 масакри во последните 24 часа.
Се додава дека голем број луѓе и понатака се заробени под урнатините и на патиштата, бидејќи спасувачките екипи не можат да дојдат до нив.
Заедно со најновите палестинските жртви, бројката на загинати во израелските напади во Појасот Газа кои започнаа на 7 октомври, се зголеми на 26.257, а ранети се 64.797 Палестинци, соопшти министерството за здравство.
Израел започна немилосрдни воздушни и копнени напади на Појасот Газа со неселективно бомбардирање на цивилни населби, станбени објекти, училишта, верски објекти и болници по неочекуваниот напад од страна на Хамас на 7 октомври минатата година.
Според податоците на Обединетите нации, 85% од населението на Појасот Газа е интерно раселено и се соочува со акутен недостаток на храна, чиста вода и лекарства, додека околу 60% од инфраструктурата во Појасот Газа е оштетена или уништена.
Официјалната бројка на загинати во Израел изнесува 1.200, но, според зборовите на пилот на Израелските вооружени сили, можно е дел од загинатите Израелци да се жртва на примената на „Ханибаловиот протокол“ од страна на израелската војска.
„Ханибалова директива“ или „Ханибалов протокол“ е контроверзна процедура што ја користат израелските одбранбени сили (ИДФ) со цел да се спречи киднапирање на израелските војници од страна на непријателските сили. Според оваа директива, „киднапирањето мора да се запре со сите средства, дури и по цена на напад и елиминирање на киднапираните“. Овој протокол од страна на Израел е воведен во 1986 година.
Извор: Anadolu Agency (AA)
