Британските туристи може да се соочат со редици од 14 часа за да влезат во Европа со новиот режим на гранични проверки на ЕУ, им било кажано на британските пратеници.
На брифинг кој англиски Телеграф го оценува како „алармантен“ , Парламентот бил предупреден дека може да се создадат огромни опашки во Довер кога Брисел ќе воведе проверки за отпечатоци од прсти и система за фацијално препознавање за сите кои доаѓаат надвор од ЕУ.
Унијата соопшти дека на есен, конечно ќе го воведе својот неколкупати одложуван систем за влез/излез. Брисел досега постојано го одложуваше спроведувањето на проверките поради предупредувањата од туристичките фирми дека ќе се предизвика хаос на границите на европските држави.
Шемата треба да се имплементира во октомври оваа година. Телеграф објаснува дека според новите правила, сите посетители на ЕУ, при нивната прва посета, ќе мора да дадат отпечатоци од прсти и фотографија, покрај нивниот пасош. Туристите, исто така, ќе треба да платат седум евра за овластување за патување познато како ETIAS – по моделот на американската ESTA шема – кое ќе важи три години.
ИЗВОР: off.net.mk
