Во израелските напади врз Појасот Газа загинаа 14 Палестинци, десетици се ранети

ГАЗА (АА) – Израелските сили денес извршија напади врз централните делови на Појасот Газа, во кои загинаа 14 Палестинци, а десетици се ранети, јавува Анадолу.

Според државната палестинска новинска агенција ВАФА, Израел продолжи да напаѓа различни области во Појасот Газа од воздух и од земја.

Најмалку 11 Палестинци загинаа, а многу се повредени во напад на израелски воени авиони врз бегалскиот камп Ал-Нусејрат во централниот дел на Појасот Газа.

Уште тројца Палестинци загинаа, а неколку други се ранети во напад на куќа во градот Аз-Завејда во централниот дел на Појасот Газа.

Израелските артилериски единици и беспилотни летала извршија интензивни напади и околу медицинскиот комплекс Насир во градот Кан Јунис во јужниот дел на Појасот Газа.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.