Денес во Астана започна новиот круг разговори за Сирија

МОСКВА (АА) – Денес во главниот казахстански град Астана започна новиот круг разговори за Сирија, јавува Анадолу.

Учесниците на Форматот од Астана, меѓу кои Иран, Русија, Сирија, Туркије и ОН, се собраа на 21. состанок за да разговараат за влијанието на ситуацијата во Газа врз Сирија по новите напади од Израел.

Како набљудувачи се очекува да присуствуваат претставници на Јордан, Ирак и Либан, Канцеларијата на Високиот комесаријат за бегалци на ОН и Меѓународниот комитет на Црвениот крст.

Во јуни минатата година казахстанското Министерство за надворешни работи предложи да се прекинат состаноците за Сирија бидејќи акутната фаза на конфронтацијата меѓу сириската Влада и опозицијата беше завршена.

Сепак, казахстанските власти одлучија да одржат нов состанок во согласност со колективната жалба на земјите гаранти на Форматот.

Казахстанското Министерство за надворешни работи соопшти дека 24 јануари е резервиран за средби меѓу делегациите, а пленарна седница ќе се одржи на 25 јануари.

Коментирајќи го состанокот, руското Министерство за надворешни работи го пофали Форматот од Астана како „најефективен формат“ за решавање на прашањата за долгорочно решение за Сирија.

Турскиот министер за надворешни работи Хакан Фидан ја истакна важноста на зачувувањето на пристапите развиени во Форматот од Астана за решавање на проблемот во Сирија.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.