Ова е патот на планинското село Калиште во Општина Врапчиште, кој во последно време претставува опасност за жителите. Причината за мразот што се појавува на патот е токму оваа акумулација со вода во село Неготин, од каде вишокот вода се излева на коловозот и предизвикува голомразица, со што предизвикува многу сообраќајни несреќи поради стрмнината на патот а исто така и поради тесниот пат кој води до селото Калиште.
Жителите се жалат дека Општината не презема мерки и покрај бројните аларми и несреќи кои се случуваат. Бараат итна интервенција на Општината, во спротивно најавуваат протести пред Општината.
„Како што можете да видите вчера овде имаше многу мраз. Некаде околу осум часот на оваа кривина до влезот во Неготино се беше замрзнато, и се лизгав со колата околу 200 метри. Пријавив во општината и јас, и селото, а инспекторите велат дека излегле со полиција но залудно. Овој резервоар за вода овде го пропушта вишокот на вода – постои сомневање и дека цевката е напукната. Оваа ситуација не е неколку месеци туку неколку години по ред. Скоро седум-осум години ги имаме истите проблеми. Секогаш постои ризик од мраз и сообраќајни несреќи. Во селото се разговара за организирање протести “, рече еден жител.
„Секогаш сме во опасност од водата, секогаш. Не знам дали е пријавено бидејќи јас не живеам овде. Патот мора да се среди, вие самите видовте каков е патот“, нагласи друг жител.
„Како да ви кажам, ладно е, водата тече, патот замрзнува и станува мраз, а ние не можеме да се движиме со автомобили да слеземе долу. Кога имаме работа мора да одиме долу затоа што имаме потреби, јас сум болен и имам работа во Гостивар, мора да се движиме“, додаде друг жител.
Став побаравме и од Општина Врапчиште, но без одговор./Алсат.мк
Башким Сулејмани
Извор: alsat.mk
