Јапонската лунарна сонда слета на Месечината

АНКАРА (АА) – Јапонија успешно спушти лунарна сонда на Месечината, соопшти денес Јапонската вселенска агенција, пренесува Анадолу.

Јапонската агенција за аеровселенско истражување соопшти дека паметниот лендер за истражување на Месечината успешно слетал на површината на Месечината на 20 јануари 2024 година, во 00:20 часот.

„Комуникацијата со вселенското летало е воспоставена по слетувањето“, се вели во соопштението.

Но, агенцијата додаде дека соларните ќелии моментално не генерираат енергија, а приоритет е даден на стекнувањето податоци од паметниот лендер на Месечината.

„Детална анализа на добиените податоци ќе биде спроведена во иднина и ќе продолжиме да споделуваме ажурирања за ситуацијата“, се наведува во соопштението.

Според Јапонската радиодифузна корпорација (НХК), Јапонија е петтата земја што го постигнала овој подвиг, по поранешниот Советски Сојуз, САД, Кина и Индија.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.