Премиерот Димитар Ковачевски, заедно со министерот за внатрешни работи Оливер Спасовски денеска во Скопје присуствуваше на одбележувањето на големиот христијански празник, Богојавление – Водици.
Тој истакна дека значењето на денешниот празник е можност да ја осознаеме безвременска порака дека во природата на луѓето е шансата да се биде подобра личност.
– Богојавление е голем празник. Денес бевме присутни тука во Скопје, на реката Вардар каде што архиепископот македонски ги освети водите на Вардар, меѓутоа во сите градови низ државата ова е една традиција која секогаш потсетува дека треба да имаме верба во заеднички живот, да веруваме во мир, во соживот. Во тој дух сакам да го честитам празникот на сите наши граѓани и да посакам успешна година, среќен празник, на сите оние кои слават именден да им честитам именден – изјави премиерот Ковачевски.
Извор: 24vesti.mk
