ВМРО-ДПМНЕ бара Уставниот суд да ја испита уставноста на членовите од законот за пасоши и законот за безбедност на патиштата, поточно за возачките дозволи, во однос на датумот на важност согласно Договорот од Преспа. Со официјална иницијатива на уставно ниво, оваа партија бара Судот да донесе одлука за времена мерка, поточно да се запре примената на овие членови додека не ја испита нивната уставност. Оваа иницијатива доаѓа по долгите чекања на шалтерите на МВР за промена на документите до 12 февруари.
И Демократскиот сојуз на Павле Трајанов бара Владата на утрешната седница да отвори расправа за валидноста на личните документи.
Во согласност со Договорот од Преспа, сите лични документи со новото државно име треба да се променат до 12 февруари 2024 година. Според опозициските партии, ова се однесува само за пасошите и возачките дозволи кои се користат во странство. Тие велат дека законот не важи за употреба на лични карти и возачки дозволи за домашна употреба.
Владата соопшти дека ќе ја разгледа можноста за консултации со Грција за одложување на рокот за промена на документите со новото име на државата.
Фатлуме Дервиши
Извор: alsat.mk
