Газа: На границата со Египет се копаат масовни гробници за Палестинците убиени во израелските напади

РАФА (АА) – Израелските напади врз Појасот Газа продолжуваат без прекин веќе три месеци, јавува Анадолу.

Покрај египетската граница со Газа ископани се масовни гробници за загинатите во израелските напади што траат од 7 октомври.

Станува збор за нови масовни гробници бидејќи бројот на убиени постојано расте, и нема доволно место за нивно погребување.

Од почетокот на израелските напади врз Газа досега загинати се 23.708 Палестинци.

Министерството за здравство во Газа денес соопшти дека повредени се 60.050 Палестинци и дека овие бројки се однесуваат исклучиво на телата и ранетите евидентирани во болниците. Од Министерството нагласија дека 70 отсто од загинатите се деца и жени.

Израелските напади предизвикаа катастрофална хуманитарна криза во Појасот Газа и го доведоа здравствениот систем таму на работ на понорот. Недоволните количини храна, чиста вода, средства за хигиена и лекови носат и ризик од ширење на заразни болести во центрите каде стотици илјади раселени луѓе се борат за гол опстанок.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.