Евроамбасадорот Дејвид Гир во интервју за МИА нагласува дека главната загриженост во однос на брзите измени на Кривичниот законик е можноста за зголемување на неказнивоста и она, што се покажа со текот на времето, како што посочи, е дека откако измените стапија во сила, неказнивоста е зголемена.
-Она што го привлече вниманието и нашата загриженост беа измените на Кривичниот законик. Во тоа време бевме загрижени дека ова ќе доведе до повеќе неказнивост, тука беше и злоупотребата на европското знаменце, но главната загриженост беше дека ова би можело да доведе до поголеми можности за неказнивост. И она што го гледаме случај по случај со текот на времето е зголемена неказнивост, и сега увидовме дека постои празнина во еден дел од законот што приоритетно треба да се затвори, вели Гир.
Извор: alsat.mk
