ГАЗА (АА) – Израелската Армија уби најмалку 32 Палестинци, меѓу кои и жени и деца, во нападите што ги изврши од синоќа во окупираниот Појас Газа, јавува Анадолу.
Како што јавува палестинската новинска агенција ВАФА, израелската Армија од синоќа изврши жестоки воздушни и копнени напади врз централните и јужните делови на Појасот Газа.
Двајца Палестинци загинаа во воздушен напад на израелската Армија врз куќа во градот Аз-Зувајде во централниот дел на Појасот Газа, а тројца Палестинци загинаа во напад во регионот Ал-Маваси.
Во воздушните напади на различни делови на Кан Јунис загинаа шест Палестинци. Израелските авиони извршија воздушни напади и врз градот Рафа.
Во воздушен напад врз куќата на семејството Абу Санџар во Рафа, загинаа пет Палестинци, а многумина се повредени.
Исто така, во нападите на израелската Армија во централните делови на Газа загинаа 16 лица, а во нападите беа повредени десетици Палестинци, меѓу кои и жени и деца.
Многу Палестинци се останати под урнатините по израелските напади.
Извор: www.aa.com.tr
