Тој бил уапсен и задржан во притворскиот центар во округот Кларк и сега се соочува со нови обвиненија, вклучително и напад на заштитено лице (судија) и судски службеници
Судија во американската сојузна држава Невада бил нападнат при изрекувањето на пресудата – обвинетиот ги прескокнал масата и судиската клупа, и ја нападнал судијката Мери Кеј Холтус, која паднала од столчето, пренесе АП.
Насилството било забележано на судска камера, а Холтус се здобила со полесни повреди, соопштија судските власти.
Судскиот маршал е повреден бидејќи прв ѝ пришол на помош на судијката, а морал да оди во болница бидејќи се здобил со исеченица на челото и изместено рамо.
Нападот се случил во средата во Регионалниот суд за правда во Лас Вегас.
Осудениот Деобра Делоун Реден (30) се борел на подот зад судиското столче со неколку обезбедувачи и затворски чувари, од кои некои го удирале со тупаници.
Тој бил уапсен и задржан во притворскиот центар во округот Кларк и сега се соочува со нови обвиненија, вклучително и напад на заштитено лице (судија) и судски службеници.
„Сè се случи многу брзо, беше тешко да се разбере што да се прави“,
изјави шефот на локалното обвинителство, Ричард Скау, кое го гони Реден за напад на лице со безбол палка минатата година.
Full video of the man attacking the judge for denying probation in Nevada. pic.twitter.com/EmHggwtjuM
— 9mmSMG (@9mm_smg) January 3, 2024
Адвокатот на Реден, Цезар Алмас, не одговорил на телефонскиот повик на АП за коментар.
Реден не бил во притвор кога пристигнал во судот во средата. Тој носел бела маица и темни панталони додека стоел до адвокатот, барајќи од судијата да биде попустлив бидејќи тој е „човек што никогаш не се откажува да ја прави вистинската работа, без разлика колку е тоа тешко“.
„Јас не сум бунтовнички тип. Мислам дека не треба да одам во затвор. Но, ако е соодветно за вас, направете го она што мислите дека е потребно“,
изјавил Реден.
Кога судијката кажала дека има намера да го испрати во затвор, судскиот маршал почнал да му става лисици, но Реден почнал да пцуе и се нафрлил на судијката.
Ова нема да му биде првпат на Реден да оди во затвор во Невада. Тој претходно одлежал казна за семејно насилство.
Извор: 360stepeni.mk
