Општина Дојран во екот на туристичкиот бум ги остави жителите на оваа општина и сите нејзини туристи 3 дена без вода, велат од Комисиите на ВМРО-ДПМНЕ.
Општина Дојран предводена од градоначалникот на СДС Анго Ангов во екот на еден од најзафатените период, кога Дојран е преполн со посетители, дозволи 3 дена да останат без вода. Ова не е првпат да се случува ова, за потсетување пред неколку лета во екот на туристичката сезона Дојран беше без вода цела недела. Причината за оваа катастрофа, која не смее да се случува и ниту еден граѓанин на Македонија не треба да се справува со истата, е целосното запоставување на водоснабдувачкиот систем од страна на Ангов и СДС. По пропаѓањето на нивниот обид за приватизација на водоснабдителниот систем, кој што беше спречен од страна на граѓаните на Дојран кои гласаа против овој предлог на референдум во 2020 година, Ангов и СДС дигнаа раце и воопшто не инвестираат во овој систем, и затоа ваквите дефекти каде луѓе со денови се без вода се случуваат се почесто и почесто, се вели во објавата.
Оттаму посочуваат дека жителите на Дојран не заслужуваат ваков третман од страна на нивната локална власт.
Ваквото однесување на СДС и Ангов кон нив е неприфатливо, а оваа состојба е на раб да прерасне во здравствена и хуманитарна катастрофа. Изнаоѓање на долготрајно решение е еден од приоритетите за идната влада предводена од ВМРО-ДПМНЕ, стои во објавата.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
