АНКАРА (АА) – Најмалку 25 лица загинаа, а 40 лица се повредени во двете експлозии што се случија во близина на гробот на Касим Сулејмани во иранската покраина Кирман, пренесува Анадолу.
Според веста на иранската државна телевизија, се случија две експлозии на патот што води кон гробиштата каде што се одржуваа комеморативни церемонии по повод четвртата годишнина од смртта на Касим Сулејмани, командант на Силите на Кудс при војската на Револуционерната гарда, кој беше убиен на 3 јануари 2020 година во нападот извршен од САД во Багдад.
Како резултат на двете експлозии, кои се случија во интервал од 10 минути, според првичните сознанија загинале најмалку 25 лица, а 40 лица се повредени.
Извор: www.aa.com.tr
