Последните напади на Хутите доаѓаат откако групата поддржана од Иран го осуди убиството на високиот лидер на Хамас Салех Ал Арури во нападот во Либан, нарекувајќи го кукавичко злосторство
Иранските хути, кои контролираат голем дел од Јемен, со недели ја попречуваат светската трговија со напаѓање бродови што минуваат низ Теснецот Баб ал-Мандаб во јужниот дел на Црвеното Море, што, како што велат, е одговор на војната во Газа
Јеменските бунтовници Хути истрелале две противбродски балистички ракети во јужниот дел на Црвеното Море во вторникот вечерта, соопшти денеска Централната команда на Соединетите држави (ЦЕНТКОМ), пренесува Си-ен-ен.
Ова е последен од десетиците напади на Хутите врз комерцијални бродови од 7 октомври, па досега.
Според Хутите, со овие напади покажуваат солидарност со Хамас.
„Повеќе комерцијални бродови во областа го пријавија ударот, иако никој не пријави никаква штета“, соопшти ЦЕТКОМ,
додавајќи дека нападите ги загрозиле животите на невините морнари, но се нарушува слободниот проток на меѓународната трговија.
Последните напади на Хутите доаѓаат откако групата поддржана од Иран го осуди убиството на високиот лидер на Хамас Салех Ал Арури во нападот во Либан, нарекувајќи го кукавичко злосторство.
Со овие напади, Хутите, зразуваат и поддршка за одмазда против Израел.
Израел не презеде одговорност за нападот во Бејрут, со што, според анализите ги зголемува стравувањата за потенцијална ескалација на борбите во регионот.
Црвеното Море е една од најважните светски поморски трговски патишта, а нападите на Хутите само може да ја нарушат глобалната економија.
Иранските хути, кои контролираат голем дел од Јемен, со недели ја попречуваат светската трговија со напаѓање бродови што минуваат низ Теснецот Баб ал-Мандаб во јужниот дел на Црвеното Море, што, како што велат, е одговор на војната во Газа.
САД распореди воени бродови на водниот пат и минатиот месец ја започнаа операцијата „Просперитет Гардијан“, мултинационална поморска коалиција, за зајакнување на безбедноста на критичната глобална бродска лента.
Советот за безбедност на ОН денеска треба да одржи состанок за одржување на меѓународниот мир и безбедност, на кој француските дипломати рекоа дека ќе се разговара за нападите на Хутите во Црвеното Море.
Извор: 360stepeni.mk
