Авионот на крајбрежната стража пренесувал храна во областите погодени од силниот земјотрес што вчера ја погоди Јапонија, се судрил со патнички авион на „Џапан ерлајнс“, додека слетувал на пистата на аеродромот „Хенада“
Патниците и членовите на екипажот на јапонскиот авион „Џапан ерлајнс“ кој се запали при слетувањето биле евакуирани за само 90 секунди пред пламенот да го зафати целиот авион, соопштила противпожарната служба, а пренесува Н1, повикувајќи се на странските медиуми.
Видеото покажува како и со која брзина биле евакуирани патниците на летот „JL516“.
Snimak evakucije leta #JL516 pic.twitter.com/skZ3Z9A5is
— Peđa Vučetić (@Pedjijatar) January 2, 2024
Благодарение на брзата реакција избегната е поголема трагедија на аеродромот во Токио.
На видеото се гледа дека патниците и членовите на екипажот користеле воздушни лизгалки за евакуација од авионот, кои се користат во итни случаи.
Во Ербас А350-900 имало речиси 400 патници и членови на екипажот.
Новинарот и писател Кристијан Мартини, кој случајно се нашол во Токио за време на драматичниот инцидент, опишува како екипажот и капетанот успешно го евакуирале авионот со 367 патници и 12 членови на екипажот без ниту една загуба на животи.
„Имаме чудо од едната страна каде 367 патници успеале да се симнат од полн авион. Значи, ова е авион полн со луѓе и тие можеа да излезат за 90 секунди, како и екипажот и капетанот. За жал, најновите вести за другиот авион, односно авионот на крајбрежната стража има поинаква приказна, каде загинале петте петте луѓе што биле внатре“,
рече тој.
Пет лица, кои се наоѓале во авионот на јапонската крајбрежна стража, загинале во инцидентот на токискиот аеродром „Хенада“, објави агенцијата АФП цитирајќи го јапонскиот министер за транспорт, пренесува Би-би-си.
Авионот на крајбрежната стража пренесувал храна во областите погодени од силниот земјотрес што вчера ја погоди Јапонија, се судрил со патнички авион на „Џапан ерлајнс“, додека слетувал на пистата на аеродромот „Хенада“.
Извор: 360stepeni.mk
