РАМАЛА (АА) – Израелската армија уби четворица Палестинци во близина на градот Калкилија на окупираниот Западен Брег, јавува Анадолу.
Палестинската официјална новинска агенција Вафа соопшти дека четворицата Палестинци биле „застрелани за време на конфронтациите“ што избувнале кога израелските сили упаднале во градот Азун.
Очевидци за Анадолу изјавија дека израелската армија се повлекла од градот по неколкучасовниот судир со Палестинците.
Израелската армија, исто така, изврши рација и претреси на неколку домови и продавници во градот, додаваат очевидците.
Неколкумина Палестинци, исто така, беа повредени и приведени од зграда во Азун.
Тензиите низ Западниот Брег се зголемија откако избија судирите во Газа на 7 октомври меѓу палестинските групи и Израел.
Според палестинското Министерство за здравство, најмалку 324 Палестинци се убиени од страна на израелските сили на Западниот Брег од 7 октомври, а над 3.400 се повредени.
Извор: www.aa.com.tr
