Во меѓувреме Јапонија го уника предупредувањето за цунами од највисоко ниво, што беше издадено претходно, но предупредувањата за можни опасни морски бранови предизвикани од потресите и понатаму остануваат на сила
По серијата земјотреси што го погодија главниот јапонски остров Хоншу, од кои најсилниот беше со јачина од 7,6 степени според Рихтеровата скала, јапонските медиуми јавуваат за првата регистрана жртва во разорниот потрес.
Станува збор за лице кое загинало по уривање на зграда во префектурата Ишикава, објави Ројтерс, цитирајќи ја јапонската телевизија НТВ, а пренесува британски „Гардијан“. Повеќе детали не се соопштени.
Засега нема информации за други загинати лица, како и за бројот на повредени, иако силниот земјотрес предизвика големи материјални штети, како урнати згради, пожари и оштетена друга инфраструктура.
Во меѓувреме Јапонија го уника предупредувањето за цунами од највисоко ниво, што беше издадено претходно, но предупредувањата за можни опасни морски бранови предизвикани од потресите и понатаму остануваат на сила.
Јапонската метеоролошка агенција извести за десетици земјотреси во Јапонското Море во близина на брегот на Ишикава и околните префектури нешто по 16 часот.
Најмалку 30 објекти се срушиле досега во префектурата Ишикава, соопшти локалната противпожарна служба во градот Ваџима.
Претходно владиниот портпарол Јошимаса Хајаши изјавил дека голем број домови се оштетени од земјотресите, со повеќе луѓе заробени внатре. Имаше известувања за пожар во градот Ваџима, а електричната енергија била исклучена за повеќе од 30 000 домаќинства, рекол тој.
An eyewitness captured the moment a massive earthquake struck Japan https://t.co/lenuYo5TYm pic.twitter.com/wmTnXL7EVt
— Reuters (@Reuters) January 1, 2024
Метеоролошката агенција на Јапонија првично издаде предупредување за цунами од највисоко ниво цо префектурата Ишикава и предупредување за цунами на пониско ниво или совети за остатокот од западниот брег на островот Хоншу, како и за најсеверниот од неговите главни острови – Хокаидо.
Неколку часа подоцна предупредувањето потоа беше сведено на категорија на редовно цунами, што значи дека брановите може да достигнат до 3 метри.
Афтершокови, исто така, може да ја погодат истата област во текот на следните неколку дена, се вели во извештајот, на агенцијата.
Инаку, во изминатите неколку часа, земјотресите продолжуваат да ја тресат централна Јапонија,
Околу 60 потреси биле регистрирани од 16 часот по локално време (07:00 според Гринич), кога земјотресот со јачина од 7,6 степени го погоди регионот Ното.
Земјотресите кои следеа биле со јачина од 3 до 6,1 степени, според Рихтеровата скала.
Метеоролошката агенција Апан денеска на втората прес-конференција предупреди дека сè уште постои „многу висок ризик“ од уривање на згради, а силните потреси би можеле да продолжат „во следните два до три дена“.
Официјален претставник на таа агенција ги повика луѓето во крајбрежните области да се евакуираат и им порача на жителите да не ги напуштаат безбедните места.
Иако „предупредувањето за големо цунами“ сега е намалено на „предупредување за цунами“, жителите сè уште се советуваат да се евакуирани бидејќи сè уште трае опасноста од цунами, пренесува британскиот национален сервис.
„На пристаништето Ваџима, Ното, префектурата Ишикава, висината на цунамито е 1,2 метри, а во Тојама е 0,8 метри. Како што може да видите, ние исто така ги следиме цунамијата. Во моментов ги следиме цунамијата“,
рекол Тоширо Шимојама од Јапонската метеоролошка агенција.
На подготвеност од нови потреси жителите на погодиниот регион, денеска ги предупреди и јапонскиот премиер, Фумио Кишида.
„Жителите мора да останат внимателни поради можноста од последователни потреси. Ги повикувам луѓето во областите каде што се очекува цунами да ги се евакуираат што поскоро“,
рече Кишида.
Во областа погодена од земјотресот има нуклеарна централа, соопшти компанијата за електрична енергија на Токио (Tokyo Electric Power Co). Операторот на постројката рече дека проверува дали има проблеми, но засега нема извештаи за некакви неправилности.
Русија, исто така, претходно издаде предупредување за цунами во далечните источни градови Владивосток и Находка, објави државната новинска агенција ТАСС.
Делови од рускиот остров се евакуирани поради закана од цунами, соопшти руското Министерство за вонредни ситуации. На жителите во областите долж западниот брег на островот Сахалин, кој се наоѓа во близина на Јапонија на рускиот брег на Тихиот Океан, им било кажано да го напуштат, јави државната новинска агенција ТАСС, пренесува регионалниот сервис на Радио Слободна Европа.
Извор: 360stepeni.mk
