Немири во Холандија за време на новогодишната ноќ, приведени над 200 лица

Од полицијата ги осудуваат немирите и велат дека ноќта била со сериозни инциденти и „неприфатливо“ насилство

Повеќе од 200 лица биле приведени од холандската полиција во немирите кои за време на новогодишната ноќ избиле низ целата земја, а биле повредени десетици полицајци, пренесува Ројтерс.

Од полицијата ги осудуваат немирите и велат дека ноќта била со сериозни инциденти и „неприфатливо“ насилство.

Полицијата во Ротердам соопшти дека таму биле запалени повеќе од 100 автомобили и други возила, додека во Амстердам, Хаг и други градови биле потребни полициски единици за немири за да се растера насилната толпа.

Единици за немири, исто така, биле користени низ целата земја за да им помогнат на противпожарните бригади кои биле нападнати со огномет додека се обидувале да изгаснат бројни пожари.

(ВИДЕО) Во немири во Берлин повредени 15 полицајци, уапсени над 300 лица