Американска келнерка објави кафанска сметка на Твитер очекувајќи разбирање за нејзиниот гнев околу бакшишот што ѝ го оставиле гости од Европа.
„Мразам Европјани“ вика таа откако ѝ оставиле „навредлив“ бакшиш од 70 долари за есап од 700 долари.
Тоа е 10 посто од рачунот што кај нив се смета за премалку бидејќи и на самата сметка пишале дека бакшишот би требало да почне од 20% па нагоре.
Дури и шефот дошол за да праша што не било добро со услугата. Овие му рекле дека сè било добро, затоа и оставиле бакшиш. Овој им напомнал дека вообичаениот бакшиш кај нив е 20% на што овие ладно рекле „ОК“ и си отишле.
Социјалните мрежи се поделија околу приказната, на една страна Американци, на друга Европјани. Првите најдоа разбирање за келнерката, другите порачуваат овие да ги научат нивните газди да ги плаќаат нормално, а не бакшишот да им биде главнината од парите што ги носат дома.
ИЗВОР: off.net.mk
