Јапонија погодена од низа силни земјотреси, предупредување за цунами

ИСТАНБУЛ (АА) – Три последователни силни земјотреси со јачина од 5,7, 6,1 и 7,6 степени ја погодија Јапонија, предизвикувајќи предупредување за цунами, пренесува Анадолу.

„Во околу 16:18 часот (по локално време) се случи земјотрес. Епицентарот беше во Ното во префектурата Ишикава, а забележан е максимален сеизмички интензитет од над 5 степени. Не приближувајте се до опасните области каде што потресот беше јак“, соопшти Јапонската метеоролошка агенција на социјалната платформа X.

„Во моментов е објавено големо предупредување за цунами во Ното, префектурата Ишикава“, нагласи метеоролошката агенција.

Предупредувања за цунами беа издадени и за префектурите Ниигата, Тојама, Јамагата, Фукуи и Хјого долж брегот на Јапонското Море, соопшти јапонската телевизија „NHK World“.

Според соопштеното, сите жители во близина на крајбрежната линија се замолени веднаш да го напуштат подрачјето.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..