Пет лица се повредени и задржани на лекување во болница
Пет лица се повредени и задржани на лекување во болница по синоќешниот земјотрес од 4,7 степени според Рихтеровата скала кој ја погоди Босна и Херцеговина. Според локалните медиуми, најголема штета е предизвикана во селото Љубетово. Итната помош евакуирала неподвижна жена која потоа е сместена во дом за стари лица. На многу куќи им се оштетени ѕидовите, фасадите, покривите, а дел останале и без струја.
Жителите од Љубетово според медиумите во БиХ, поминале немирна ноќ и утрото го дочекале пред своите домови покриени со ќебиња.
Епицентарот бил на 13 километри од Зеница и на 62 километри од Сараево. Земјотресот предизвикал и одрони на патиштата.
Извор: 360stepeni.mk
