Аргентинскиот претседател бара засилени билатерални односи и средба со сите лидери на државите-членки на економскиот сојуз БРИКС
Новиот претседател на Аргентина, Хавиер Милеј, одлучи неговата држава да не се приклучи на блокот на економии во развој БРИКС – одлука во рамките на драматичната промена во надворешната и економската политика екстремиот десничар.
Во писмо упатено до лидерите на Бразил, Русија, Индија, Кина и Јужна Африка, членки на алијансата БРИКС, Милеј рече дека моментот не бил поволен за Аргентина да се приклучи како полноправна членка.
Писмото е со датум од 22 декември, но аргентинската влада го објави во последниот работен ден од 2023 година.
Аргентина беше меѓу шесте земји поканети во август да се приклучат на блокот составен од Бразил, Русија, Индија, Кина и Јужна Африка.
Потегот доаѓа во време кога Аргентина е зафатена од продлабочувањето на економската криза.
Милеј во писмото упатено до Луис Инасио Лула Да Силва во соседен Бразил и останатите лидери на полноправните членки на БРИКС, Си Џинпинг од Кина, Наренда Монди од Индија, Владимир Путин од Русија и Матамела Рамафоса од Јужна Африка, предложил да се „интензивираат билатералните врски“ и да се зголемат „трговските и инвестициските текови“, како и покана да се сретне со секој од петте лидери.
Извор: 360stepeni.mk
