Суперкуп натпреварот помеѓу турските фудбалски гиганти требаше да се одигра на 100-годишнината од основањето на модерната турска држава во Ријад, но беа забранети обележјата со Ататурк
Фудбалските навивачи на турските гиганти Галатасарај и Фенербахче испишаа историја, откако заедно ги пречекаа фудбалерите кои во петокот вечерта требаше да го одиграат турскиот Суперкуп натпревар во Ријад, Саудиска Арабија.
Натпреварот беше откажан по скандалот што го предизвикаа претставници на саудиските власти.
Мечот требаше да се одигра на 100-годишнината од основањето на модерната турска држава, која најголемите турски клубови сакаа да ја одбележат.
Галатасарај имаше во план да настапи со дресови на кои беше испечатен познатиот цитат на таткото на современата турска држава Мустафа Кемал Ататурк „Мир дома, мир во светот“.
Фудбалерите на Фенербахче пак сакаа да излезат на теренот облечени во дресови со ликот на Ататурк, но саудиските власти го забранија сето тоа.
Според некои турски медиуми, тие не дозволиле ниту пеење на турската химна. Кога го слушнале тоа, фудбалерите на Галатасарај и Фенербахче одбиле да го напуштат хотелот и да заминат.
Иако се водеа преговори со оранизаторот на натпреварот, не беше постигнат договор, па двата клуба се вратија во Истанбул.
Турција и Саудиска Арабија имаат проблематична историја на дипломатски односи. Меѓу нив има доста политички несогласувања.
Извор: 360stepeni.mk
