ИСТАНБУЛ (АА) – Најмалку 4 Палестинци се ранети, а неколкумина други се приведени во рациите што израелската војска ги спроведува денес во окупираниот Западен брег, известува Анадолу.
Според палестинската новинска агенција ВАФА, израелските сили извршиле рација во Хеброј, Наблус, Калкилија и Рамала во раните утрински часови.
Во градот Јата, јужно од Хеброн, избувнаа судири меѓу израелската војска и Палестинците, во кои се ранети 4 Палестинци.
Израелската војска влегувала во куќите и вршела претрес во текот на рациите.
Во градот Азун, источно од Калкилија, исто така избувнале судири меѓу израелската војска и Палестинците.
Израелските војници на револтот на Палестинците одговорија со боеви куршуми, звучни бомби и солзавец.
Цел на рацијата во регионот на Наблус биле Кусра и Брита Наблус, каде израелските сили влегувале во куќи и предизвикувале материјална штета.
Во бегалскиот камп Џалазон, северно од Рамала, војската извршила рации во домовите и привела неколкумина Палестинци.
Тензиите ширум Западниот брег се зголемени откако на 7 октомври избувнаа судирите во Газа меѓу палестинските групи и Израел.
Според палестинското Министерството за здравство, израелските сили од 7 октомври убија 318 Палестинци на Западниот брег, а повеќе од 3.300 се ранети.
Агенцијата на ОН за палестински бегалци вчера соопшти дека 2023 била регистрирана како „најсмртоносна година“ за Палестинците на Западниот брег.
Извор: www.aa.com.tr
