АНКАРА (АА) – Високиот комесар на Европската унија за надворешна политика и безбедност, Жозеп Борел, изјави дека израелската војска, која има обврска да ги штити цивилите, продолжува да предизвикува тешки цивилни жртви во Појасот Газа, известува Анадолу.
Борел на социјалната мрежа Х истакна дека Израел ја занемарува својата обврска на заштита на цивилите и продолжува со нападите на Појасот Газа.
Европскиот комесар исто така истакна и дека нападот на бегалскиот камп Магази бил еден од најсмртоносните бомбашки напади и напомена дека нападот предизвикал и раселување на уште 150.000 луѓе.
Борел во својата објава повика на итна пауза на судирите.
