БЕЈРУТ (АА) – Либанската група Хезболах соопшти дека вчера нападнала израелски воени локации покрај јужната граница на Либан, јавува Анадолу.
Во посебно соопштение, групата објави дека нејзините борци имале како цел „кран што носел шпионски материјали и опрема во областа Довев“.
Хезболах, исто така, рече дека неговите борци ја имале како цел израелската локација Хадаб Јарон со соодветно оружје и дека постигнале „директен удар“.
Израел утринава со истрели од тешки митралези ја гаѓаше периферијата на градот Ал Бустан од неговите позиции во непосредна близина на градот Ајта ал-Шааб, објави официјалната либанска национална новинска агенција.
Денес во голем број населби во северен Израел се огласија сирени.
„Покрај предупредувањето за упад на непријателски авион на северниот дел од земјата, ова е лажна идентификација. Нема страв од безбедносен инцидент“, се вели во соопштението на израелската Армија.
„Пред кратко време беа забележани голем број лансирања од либанската територија кон областа Довев и Барам“, додаде Армијата.
Израелската Армија ги нападна „изворите на огнот со артилерија“.
Радиото на израелската Армија соопшти дека е лансирана противтенковска ракета од Либан кон граничната област Довев, без регистриран број на жртви.
Покрај границата меѓу Либан и Израел се разгореа тензии во услови на наизменична размена на оган меѓу израелските сили и Хезболах во најсмртоносните судири откако двете страни водеа целосна војна во 2006 година.
Пограничните тензии се случија во време на израелската воена офанзива во Појасот Газа по прекуграничниот напад на Хамас на 7 октомври.
