МОСКВА (АА) – Градоначалникот на украинскиот главен град Киев, Виталиј Кличко, денес соопшти дека експлозии се случиле во неколку делови на градот, пренесува Анадолу.
На каналот Телеграм, Кличко ги повика жителите на Киев да се засолнат во засолништата, нагласувајќи дека системите за противвоздушна одбрана работат на одбивање на нападите.
Според онлајн мапата за следење на нападите, објавено е предупредување за воздушен напад низ цела Украина.
Официјалните претставници од регионите Днепро, Харков, Хмелницки, Одеса и Полтава потврдија дека има експлозии на нивна територија.
Од друга страна, руското Министерство за одбрана соопшти дека украински дрон е соборен над западниот руски град Курск.
Русија ја започна својата „специјална воена операција“ во Украина во февруари 2022 година, пред повеќе од 22 месеци.
Извор: www.aa.com.tr
