Русија потврди дека нејзин воен брод е нападнат и оштетен на Крим

Во нападот извршен од Украина, како што соопштил шефот на администрацијата на Крим, инсталиран од Москва, Сергеј Аксјонов, е убиено едно лице

Русија потврди дека еден од нејзините воени бродови во Црното Море е уништено во напад од страна на Украина, објави Би-би-си.

Нападот се случи во текот ноќта во пристаништето Феодосија на полуостровот Крим, кој Москва го анектираше во 2014 година.

Министерството за одбрана на земјата, како што јавува британскиот национален сервис, соопштило дека десантниот брод „Новочеркаск“ бил погоден од украиски воздухоплов кој носел наведувани проектили.

Во нападот, како што соопштил шефот на администрацијата на Крим, инсталиран од Москва, Сергеј Аксјонов, е убиено едно лице.

Тој, според Би-би-си, додал дека биле уштетени и шест згради и дека мал број луѓе морале да бидат евакуирани во центрите за привремено сместување.

И покрај нападот, во извештаите се наведува дека транспортните операции на пристаништето Феодсија се одвиваат нормално.

Полуостровот Крим е меѓународно признат како дел од Украина, но е под руска окупација откако беше заземен и анектиран во 2014 година.

Претходно утринава, командантот на украинските воздухопловни сили Микола Олешчук изјави дека нивни авиони го уништиле бродот на Црномоската флота на руската морнарица.

„Руската флота станува се помала. Имаше голема експлозија“,

рекол Микола Олешчук на својот канал на Телеграм.

Снимките на социјалните мрежи покажуваат дека на пристаништето имало голема експлозија и пожар.

russian Novocherkassk landing ship was destroyed in Feodosia tonight.

Ukrainian pilots did an excellent job.

Crimea is Ukraine. There is no place for the occupier’s fleet here. pic.twitter.com/rXphvmMBFM

— Defense of Ukraine (@DefenceU) December 26, 2023