АНКАРА (АА) – Најмалку 166 Палестинци загинаа во израелските напади врз Појасот Газа во изминатите 24 часа, со што вкупниот биланс на загинати во нападите од 7 октомври досега достигна 20.424, главно жени и деца, соопшти денес Министерството за здравство во енклавата, јавува Анадолу.
Во соопштението на Министерството се додава дека уште 384 Палестинци се повредени, со што бројот на повредени се искачи на 54.036 лица.
Израелските напади врз Појасот Газа започнаа по нападот на палестинската група Хамас во Израел на 7 октомври. Нападите на Израел ја оставија Газа во урнатини со половина од станбениот фонд оштетен или уништен, со речиси 2 милиони луѓе раселени во густо населената енклава, каде постои голем недостиг на храна и чиста вода.
Се смета дека околу 1.200 Израелци се загинати во нападот на Хамас.
