ГАЗА (АА) – Палестинската група за отпорот, Хамас, ја осуди резолуцијата на Советот за безбедност на Обединетите нации (СБОН) со која се бара проширен хуманитарен пристап, но не вклучува барање за итен прекин на огнот во Појасот Газа, јавува Анадолу.
Хамас за резолуцијата рече дека е „недоволен чекор, и не ги задоволува потребите на катастрофалната состојба предизвикана од (израелската) терористичката воена машинерија во Газа“.
Од Хамас е соопштено дека резолуцијата „не вклучува меѓународна одлука за запирање на геноцидната војна на (израелската) терористичка окупација врз нашиот палестински народ во Газа“.
Во соопштението се обвинуваат Соединетите Американски Држави (САД) дека ја „испразниле“ резолуцијата од нејзината суштина пркосејќи на „волјата на меѓународната заедница и на Генералното собрание на Обединетите нации за запирање на (израелската) агресија против нашиот беспомошен палестински народ.“
Советот за безбедност вчера ја усвои резолуцијата со која се повикува на „итни чекори“ за итно дозволување „безбеден, непречен и проширен“ хуманитарен пристап до Газа во услови на израелска офанзива врз енклавата.
Од 7 октомври, израелската армија води деструктивна војна во Газа, што резултира со најмалку 20.057 загинати и 53.320 повредени, од кои повеќето деца и жени. Предизвика е огромна штета на инфраструктурата и досега невидена хуманитарна катастрофа, според палестински и меѓународни извори.
Извор: www.aa.com.tr
