ИСТАНБУЛ (АА) – Бројот на загинати во земјотресот со јачина од 6,2 степени според Рихтеровата скала што ја погоди Кина во понеделникот вечерта се искачи на 144, соопштија властите, јавува Анадолу.
Во понеделникот Кина ја погоди земјотрес, а епицентарот беше населено место во автономната област Џишишан во Гансу, на околу 63 милји од главниот град на провинцијата Ланжу.
Земјотресот ја погоди и соседната провинција Кингхаи, каде што бројот на загинати денес се искачи на 31, покрај 113 други жители што ги загубија животите во Гансу, објави кинеската државна телевизија ЦГТН, цитирајќи ги провинциските власти.
Сите 31 смртен случај се пријавени во градот Хаидонг.
Властите преместија илјадници луѓе на побезбедни места, главно, во Гансу, поради намалување на зимските температури.
Поставени се привремени засолништа и шатори за луѓето погодени од земјотресот во населбата Жонгчуан, на околу 15 километри оддалеченост од епицентарот на земјотресот.
Најсмртоносниот земјотрес од 2014 година во Кина го наруши снабдувањето со вода и електрична енергија во регионот, кои главно веќе се обновени.
