Социјалната мрежа Х, која е во сопственост на американскиот мултимилијардер Илон Маск, се уште не излегла со коментар во врска со проблемот
Платформата Х, порано позната како Твитер, доживеа глобален прекин.
Според „Даундетектор“ (Downdetector), повеќе од 47 000 американски корисници се соочуваат со проблеми при пристапот до X и X Про, пренесува Би-би-си.
Некои корисници во Обединетото Кралство и Азија исто така не можат да ги видат објавите на страницата, а им се појавува порака „Добре дојдовте на X!“
Хаштагот #TwitterDown стана тренд за неколку минути по извештаите за прекини. Но, прекинот беше краткотраен, а корисниците можеа повторно да пристапат на платформата по нешто повеќе од еден час.
Социјалната мрежа Х, која е во сопственост на американскиот мултимилијардер Илон Маск, се уште не излегла со коментар во врска со проблемот.
Маск го купи Твитер минатата година за 44 милијарди долари.
Извор: 360stepeni.mk
