ИСТАНБУЛ (АА) – Иранскиот министер за нафта, Џавад Овџи, потврди дека Израел извршил кибернапад врз интернет-системот што се користи на бензинските пумпи во земјата, јавува Анадолу.
Овџи разговараше со новинарите на бензинска пумпа на улицата Шаријати во Техеран, главниот град на Иран.
„Непријателите, ционистите и Американците, сакаат и на овој начин да ги доведат луѓето во неволја, бидејќи тие се погодени на други фронтови. Овој заговор веднаш ќе биде завршен“, рече Овчи.
Потсетувајќи дека сличен кибернапад се случил и претходните години, Овџи истакна дека бензинските пумпи се ракуваат рачно и дека се планира проблемот да се реши во рок од неколку часа.
Иранската организација за пасивна одбрана објави дека не го потврдува тврдењето дека имало кибернапад врз интернет-системот што се користи на бензинските пумпи низ земјата.
Министерството претходно соопшти дека проблемот се појавил на 60 отсто од бензинските пумпи и дека рачниот сервис се врши надвор од мрежата.
Извор: www.aa.com.tr
