Меџити: Нов дигитален мамограф и ултразвучен ЕХО апарат за Поликлиника Железара

December 15, 2023
1 min read

реклама


Министерот за здравство д-р Фатмир Меџити и заменик министерката за здравство д-р Маја Манолева, денеска беа во посета на Поликлиника Железара по повод набавка на нова медицинска опрема – дигитален мамограф со стереотакса и ултразвучен ЕХО апарат со две сонди набавен од Министерството за здравство.

Во изјава за медиумите, министерот Меџити информираше дека овој дигитален мамограф претставува најсофистицирана опрема што се користи во сите здравствени установи насекаде низ светот и важи за современа метода за скрининг на рак на дојка во рана фаза. Со набавката на апаратот ќе се подигне и забрза квалитетот на здравствената заштита за пациентите.

реклама

„За наредната година се планира зголемување на бројот на кабинети за скрининг на рак на дојка согласно утврдените правила и протоколи донесени од страна на Националната комисија за скрининг и рана детекција на рак на дојка. Се искреира скрининг амбуланта на торакална хирургија за пациентки од скрининг кои имаат направено ехо мамографија, биопсија и потврден хистопатолошки наод и истите дирекно од д-р специјалист радиолог се упатуваат во амбуланта на торакална за одредување на термин за операција. Досега оваа можност др специјалисти радиолози ја немаа ниту во дијагностички процедури“, истакна Меџити.

Заменик министерката Манолева потенцираше дека Министерството ќе продолжи со инвестирање во нова медицинска опрема, како и во унапредување на инфраструктурата и зајакнување на кадарот во јавните здравствени установи.

реклама

„Во оваа прилика, сакам да апелирам за важноста на редовните превентивни прегледи за заштита на женското здравје. Навремениот преглед, особено кога станува збор за рак на дојка, може да спаси живот. Со скрининг програмата се опфатени жените во возрасната група од 45 до 69 години кои не направиле мамографија последните две години, а исто така и жените на возраст од 40 до 44 години, кои имаат член во семејството со рак на дојка или друг дополнителен ризик фактор, имаат можност самоиницијативно да се пријават за скрининг мамографија. Пријавувањето се врши на веб страницата: www.skrining.zdravstvo.gov.mk или на телефонскиот број 15444. Скрининг мамографијата е бесплатна за жените во програмата, односно партиципацијата ја покрива Министерството за здравство“, рече Манолева.

Директорот на Поликлиника Железара Александар Велјановски упати огромна благодарност до Министерството за здравство што излезе во пресрет за набавка на дигиталниот мамограф.

реклама

„На територија на општина Гази Баба друг мамограф нема и пациентите ќе имат можност тука да ги завршат своите прегледи. Поликлиника Железара во вредност од 3 милиони денари во тековната 2023 година набави дополнителна медицина опрема која ни беше неопходна во работата. За 2024 година имаме планирано неколку новитети, тоа е набавка на алерго тестови. Втора работа што ја планираме е еден од докторите по трудова медицина да биде пратен на субспецијализација, да отвориме пулмоалерголошка амбуланта и третата работа е дека сме во преговори за набавка на текса скен, за ова дополнително ќе разговараме со Министерство за здравство, кадешто е потребен за рано откривање на остеопороза кај пациентите“, изјави Велјановски.

реклама

MARKETING

MARKETING

Претходно

Израелските сили претепаа фоторепортер на Анадолу кој известуваше од Источен Ерусалим

Следно

Распишан конкурсот за „Роман на годината“ за 2023 година

Latest from Blog

Гаши ќе ги извести Уставен и Судски совет за поништувањето на изборот на судијката Дуковска

Претседателот на Собранието, Африм Гаши, веќе ја подготвил и ќе ја испрати писмената нотификација со која го информира Уставниот суд и Судскиот совет за одлуката на Управниот суд, со која пак се

Првите резултати од претседателските избори во Романија покажуваат водство на Никушор Дан

Независниот кандидат и актуелен градоначалник на Букурешт Никушор Дан води на претседателските избори во Романија, покажаа првите резултати од излезните анкети на социолошките агенции Авангард и Курс, пренесува Диџи24. Втор е кандидатот

ТФТ го збриша Работнички за пласман во финалето на кошаркарскиот плеј-оф

Кошаркарите на ТФТ се вториот финалист во плеј-офот од домашното кошаркарско првенство. Во третиот меч од полуфиналната серија, ТФТ како гостин го прегази Работнички со 73:92 и дојде до третата победа која

Заврши гласањето на локалните избори во Хрватска

Избирачките места за локалните избори во Хрватска се затворија во 19:00 часот по локално време. Хрватите денеска ги избираа своите претставници за следните четири години во обласните, општинските и градските совети, како
Go toTop