ЛОНДОН (АА) – Велика Британија потпиша меѓународен договор со Јапонија и Италија за идна програма од областа на военото воздухопловство за развој на иновативен стелт-ловец, објави денес Министерството за одбрана, пренесува Анадолу.
Според договорот, седиштето на Глобалната програма за борбено воздухопловство (GCAP), одбранбено партнерство меѓу трите земји, ќе биде во Британија.
„Идниот, во светски рамки водечки стелт-ловец има за цел да ги подобри воените способности, просперитетот и стратегиските придобивки за сите три држави“, се наведува во соопштението на Министерството за одбрана.
Се истакнува дека програмата има за цел да развие иновативен стелт-ловец со суперсонична способност и опремен со најсовремена технологија што ќе ја поддржи идната индо-пацифичка стабилност како и пошироката глобална безбедност.
„Штабот со седиште во Велика Британија, исто така, ќе биде сведок на заеднички важни одлуки донесени со одредено темпо, работејќи со нашите блиски партнери Италија и Јапонија, и со нашите импресивни одбранбени индустрии, за да испорачаме извонреден авион“, истакна британскиот секретар за одбрана Грант Шапс.
Планираниот авион ќе има моќен радар што ќе може да обезбеди 10.000 пати повеќе податоци од сегашните системи, обезбедувајќи предност во борбите, според Министерството.
Министерството за одбрана објави дека британската Ударна група носачи на авиони ќе ја посети Јапонија како дел од индо-пацифичкото распоредување во 2025 година.
„Ваквите распоредувања испраќаат силна порака за одвраќање, презентирајќи важни можности за ангажмани со клучните партнери“, рече Шапс.
„Јапонија е наш најблизок безбедносен партнер во Азија и посетата на работната група на земјата ќе послужи за зајакнување на нашите воени и дипломатски односи“, додаде британскиот секретар за одбрана.
