МОСКВА (АА) – Потпишан е протокол за соработка помеѓу Центарот за исламски истражувања (ИСАМ) при турската фондација Дијанет и Московскиот исламски институт, јавува Анадолу.
Протоколот беше потпишан во рамките на 19. Меѓународен муслимански форум што се одржа во рускиот главен град Москва.
На церемонијата за потпишување на протоколот помеѓу ИСАМ и Московскиот исламски институт беше присутен и претседателот на ИСАМ, Муртеза Бедир.
Овој протокол за соработка се однесува на објавувањето на онлајн платформата на Основната исламска енциклопедија што беше преведена на руски јазик од страна на ИСАМ и нејзиното издавање во Русија.
Оваа енциклопедија, која се состои од осум тома и во 2019 година беше издадена во Туркије, вклучува основни принципи на верување и правила на однесување на исламот, основни личности, дела и институции во исламската историја, како и основни елементи на исламската култура и цивилизација.
