ИСТАНБУЛ (АА) – Преговарачите на климатскиот самит COP28 во Обединетите Арапски Емирати денес се согласија за конечниот нацрт-договор, барајќи од земјите да се тргнат од фосилните горива за да ги избегнат најлошите влијанија од климатските промени.
COP28 започна во Обединетите Арапски Емирати (ОАЕ), Дубаи, на 30 ноември и требаше да заврши на 12 декември вечерта, но бидејќи преговорите не завршија, последната седница се очекува да се одржи подоцна денеска.
„Претставниците од 197 земји, покрај Европската Унија, на COP28 денес го одобрија историскиот „консензус на ОАЕ“ за климатските промени“, објави државната новинска агенција на ОАЕ „ВАМ“.
Текстот на нацрт-конечниот договор содржи 196 членови на 21 страница, додаде „ВAM“.
Нацрт-договорот, опишан како историски договор, се очекува за првпат да означи дека државите се согласиле на климатскиот самит на ОН експлицитно да се осврнат на фосилните горива и потребата да се оддалечат од нафтата, природниот гас и јагленот за да се ограничи глобалното затоплување.
