ИСТАНБУЛ (АА) – Палестинец е смртно застрелан од израелската војска во градот Хеброн, на окупираниот Западен Брег, соопшти палестинската новинска агенција Вафа, пренесува Анадолу.
Сареј Јусуф Абдулкадир Амр (26) од Дура, градот Хеброн, е застрелан од израелски војници при упад во неговата куќа, соопшти палестинското Министерство за здравство.
„Израелските војници отворија оган врз Амр внатре во куќата“, рече Јусуф Амр, таткото на момчето додавајќи: „Израелските војници не дозволија никому да му помогне на Сари кој беше тешко ранет“.
„Израелските сили ја уништија куќата, конфискуваа две возила и украдоа 400.000 шекели (околу 108.000 долари) пари и чекови додека заминуваа“, рече тој.
Тензиите се интензивирани низ Западниот Брег поради израелската воена офанзива во Појасот Газа по прекуграничниот напад на Хамас на 7 октомври.
Според палестинските податоци, оттогаш израелските сили и еврејските доселеници убиле над 270 Палестинци, и притвориле 3.670 други.
