ХАН ЈУНИС (АА) – Голем број Палестинци загинаа и се ранети во нападите на израелските сили врз седиштето на палестинската Црвена полумесечина во градот Хан Јунис, на југот на Појасот Газа, јавува Анадолу.
Палестинската Црвена полумесечина соопшти дека израелски воени авиони ја бомбардирале околината на центарот на Црвената полумесечина и болницата Ал-Амал во Хан Јунис, каде што се засолнети 14.000 Палестинци.
При бомбардирањето уништени се вратите и прозорците на Центарот на Црвената полумесечина. Нападот предизвика голема паника кај илјадниците луѓе кои беа во Центарот.
Се известува дека многу мртви и повредени луѓе се донесени во болницата Ал-Амал по израелското бомбардирање.
Израел ја продолжи својата воена офанзива врз Појасот Газа на 1 декември, по завршувањето на седумдневната хуманитарна пауза во конфликтот со палестинската група Хамас.
Најмалку 17.177 Палестинци загинаа, а над 46.000 се повредени во немилосрдните воздушни и копнени напади врз Појасот Газа од 7 октомври по прекуграничниот напад на Хамас.
