МОСКВА (АА) – Русија вчера соопшти дека нејзините сили ги собориле борбените авиони Су-25 и Миг-29 во Украина, пренесува Анадолу.
„Руските единици за противвоздушна одбрана соборија два авиона Су-25 и еден МиГ-29 на Украинските воздухопловни сили“, се наведува во соопштението на руското Министерство за одбрана, истакнувајќи дека тие биле соборени над регионите на источен Доњецк и југоисточно Запорожје.
Се наведува и дека во различни региони биле уништени 76 украински беспилотни летала.
Се додава дека биле уништени вкупно 549 украински авиони, 257 хеликоптери, 9.541 беспилотно летало, 442 ракетни системи за противвоздушна одбрана, 13.840 тенкови и оклопни возила, 1.188 повеќецевни ракетни фрлачи, 7.253 хаубици и артилериски орудија и 98 специјални возила.
Украинските власти сè уште не ги коментираа руските тврдења, а независната проверка е тешка поради тековната војна.
