КУДС (АА) – Израелската војска доцна синоќа соопшти дека бројот на загинати војници во Газа се искачил на 75 откако ја прошири копнената офанзива во енклавата на 27 октомври, пренесува Анадолу.
Уште тројца војници загинале, а еден се здобил со сериозни повреди во судирите во Појасот Газа, соопшти израелската војска.
Израел започна немилосрдни воздушни и копнени напади врз Појасот Газа по прекуграничниот напад на палестинската група на отпорот Хамас на 7 октомври.
Бројот на загинати од израелските напади врз Појасот Газа достигна над 15.500 од почетокот на конфликтот на 7 октомври, објави вчера Министерството за здравство во опколената палестинска енклава.
Бројот на ранети во овој период достигна над 41.000.
Официјалниот број на загинати во Израел изнесува 1.200.
