ИСТАНБУЛ (АА) – По завршувањето на хуманитарната пауза, во израелските напади врз Појасот Газа загинаа 70 Палестинци, соопшти Министерството за здравство во Газа, јавува Анадолу.
Портпаролот на Министерството Ашраф ал Кудра изјави дека израелските напади врз Газа продолжуваат.
Тој потврди дека од утринава се убиени 70 лица.
Хуманитарната пауза меѓу Израел и Хамас, што стапи на сила на 24 ноември, заврши утринава.
Најмалку 70 Палестинци загинаа, а десетици се повредени откако Израел продолжи со нападите утрово во различни области на Појасот Газа.
Според податоците на Владата во Газа, бројот на загинати Палестинци во израелските напади во Појасот Газа од 7 октомври надмина 15.000, меѓу кои повеќе од 6.150 се деца, а над 4.000 се жени.
