Во Тетово раскинат договорот со пајак службата – Касами: Беше проблематично, имавме критики

November 26, 2023
1 min read

реклама


Веќе неколку месеци во Тетово не работат двете возила што општина Тетово ги договори со приватна фирма, но на градоначалникот на општината Биљал Касами му требаше година и пол да сфати дека договорот со „пајаците“ беа проблематични, затоа и беше дадена наредба истиот да се поништи. Сега велат дека договорите биле поништени по критиките добиени од медиумите и граѓаните.

„Што се однесува до пајакот, ги земаме предвид критиките на граѓаните, на медиумите, на претставниците на медиумите бидејќи се работеше за договор кој се сметаше за проблематичен договор. Дадовме инструкции на компанијата да го смени договорот и од нова година да објавиме договор за користење возила за изнајмување бидејќи компанијата не може сама да купува и обезбедува и ќе видиме дали ќе се појават фирми тогаш ќе одиме со изнајмување на две или повеќе, врз основа на барањата на компанијата“, вели Биљал Касами.

реклама

Договорот со приватните компании беше потпишан во мај-јуни 2022 година. Договорот предвидуваше 70% од добивката да зема приватната компанија, а само 30% општината. Што значи дека од сумата од 1800 денари, 1400 оделе на фирмата, а само 400 за општината. Тогаш Касами рече дека договорите се врз основа на сите процедури.

„Претпријатието за паркиралишта со транспарентна постапка преку јавен повик побара набавка на дополнителни возила, едното беше обезбедено порано а сега другото е обезбедено, ако процениме дека ќе ни требаат, континуирано ќе набавуваме и други возила за да може друштвото за управување со паркинзи да биде во функција на деблокирање на сообраќајот во Тетово и паркинг претпријатието да работи согласно одлуката на советот кој има и институционална одговорност“, порача Биљал Касами.

реклама

 Во Тетово сега сообраќа само едно пајак возило кое крева возила кои се неправилно паркирани. Казната за погрешно паркирање во Тетово е 1800 денари, додека за блокирање на тркалата е 1000 денари.

реклама



MARKETING

MARKETING

Претходно

Екипите на ЕВН цела ноќ работеа на отстранување на дефектите на терен во екстремни временски услови

Следно

МВР нема доволно докази за петте мафијашки убиства

Latest from Blog

„Печатените учебници се старо школо“ – Вештачка интелегенција во средните училишта!

Подобро подоцна отколку никогаш! Министерката за образование Весна Јаневска ги промовираше учебниците за странски јазици што со години недостасуваа, а кои ги изучуваат нашите ученици. Но, таа вели дека печатените книги веќе

Владата демантира: Жалиме за впечатокот што се доби во јавноста

Не се точни наводите пренесени во дел од медиумите за состанокот со роднините на загинатите од кочанската трагедија. Во моментот се прави злонамерно дефокусирање и злоупотребување на трагичната судбина Владата е тука

МЕРМС: 520 милиони денари за шест месеци, двојно поголема наплата на надоместоците за експлоатација на минерални суровини

Министерството за енергетика, рударство и минерални суровини (МЕРМС) информира дека наплатата на надоместоците за експлоатација на минерални суровини во вториот квартал од 2025 година достигна рекордни 260 379 123 денари. Ова, како
Go toTop