ИСТАНБУЛ (АА) – Хуманитарната пауза во Појасот Газа ќе започне утре (петок), во 7 часот наутро по локално време, објави Катар, јавува Анадолу.
„Првата група заложници – цивили ќе биде разменета околу 16 часот, петок“, изјави портпаролот на Министерството за надворешни работи Маџид ал-Ансари, на прес-конференција во Доха.
Тој истакна дека за четири дена ќе бидат ослободени 50 заложници.
„Првата група заложници ќе вклучува 13 жени и деца“, додаде тој.
Вчера, катарското Министерство за надворешни работи соопшти дека е постигнат договор за четиридневна хуманитарна пауза во борбите меѓу Израел и Хамас.
