АНКАРА (АА) – Турските безбедносни сили неутрализираа 10 терористи на терористичката организација ПКК во Северен Ирак, соопшти Министерството за национална одбрана на Туркије, пренесува Анадолу.
Терористите се неутрализирани во регионите Кандил и Хакурк, се вели во соопштението на турското Министерство.
Турските власти го користат терминот „неутрализирање“ за да имплицираат дека терористите се предале или биле убиени или заробени.
Терористите на ПКК/ЈПГ често се кријат преку границата на Туркије во Северен Ирак и Сирија, каде што планираат напади врз турските сили или локалното население.
Во својата повеќе од 35-годишна терористичка кампања против Туркије, ПКК, која се наоѓа на листата на терористички организации на Туркије, САД и ЕУ, е одговорна за смртта на над 40.000 луѓе, вклучително жени, деца и доенчиња. ЈПГ е нејзин сириски огранок.
