АНКАРА (АА) – Меѓународната федерација на друштва на Црвениот крст и Црвената полумесечина (IFRC) вчера ги осуди израелските напади на возилата на Итната помош во Појасот Газа, известува Анадолу.
„Ужасни и шокантни слики на напади врз пациенти и возила на Итната помош во близина на болницата Ал Шифа во Газа ме потсетија на гранатирањето на пазарот „Маркале“ во центарот на Сараево“, напиша претседателот на IFRC Франческо Рока на социјалната мрежа Х.
Во својата објава Рока додаде:
„Овие сцени се неприфатливи! Цивилите, возилата на Итната помош, докторите, болниците мора да бидат заштитени. Секогаш.“
Министерството за здравство во Газа соопшти дека 13 Палестинци се убиени, а 26 се повредени вчера во израелските бомбардирања на возилата на Итната помош пред главната капија на болницата Ал Шифа во градот Газа. Во соопштението се додава дека возилата на Итната помош требало да транспортираат одреден број ранети на лекување во Египет.
Израелската војска ги прошири своите воздушни и копнени напади со неселективно бомбардирање на цивилни населби, станбени објекти, џамии, цркви, но и болници во Појасот Газа, кој се под немилосрдни напади по неочекуваната офанзива на Хамас на 7. октомври.
Во судирите меѓу Израел и Хамас убиени се повеќе од 10.700 луѓе, од кои најмалку 9.277 Палестинци и повеќе од 1.538 Израелци.
