КУДС (АА) – Израелските медиуми денес објавија дека бил пресретнат проектил над Црвено Море пред да стигне до брегот на Израел, пренесува Анадолу.
„Проектилот најверојатно бил лансиран од Јемен, активирајќи сирена за воздушен напад во крајбрежниот град Еилат“, објави јавната телевизија КАН.
Израелската војска потврди дека идентификувала „воздушна цел“ што се приближувала до израелска територија, но не ги потврди извештаите дека била пресретната над Црвено Море.
„Немаше закани или ризици за цивилите“, се наведува во соопштението на војската.
Израелската војска ги прошири своите воздушни и копнени напади врз Појасот Газа, кој е под немилосрдно бомбардирање по ненадејниот напад на Хамас врз Израел на 7 октомври.
Во конфликтот загинаа повеќе од 9.800 луѓе, меѓу кои 8.306 Палестинци и повеќе од 1.538 Израелци.
